Жар таңдау

Аллаһ Тағала бұл дүниеде әрбір нәрсені жұп жұбымен жаратқаны белгілі. Соның ішінде ақыл ес, сана сезім берілген Адам баласының жұпсыз болуы ерсі нәрсе секілді. Сондықтан да етек жеңін жиып, өзін алып жүре білетін кез келген адамның өзіне лайықты жар іздеуі құптарлық іс.
«Таңдаған тазға жолығады» деген қағиданы былай ысыра тұрып, өзіңізге лайықты жарды жақсылап таңдағаныңыз абзал. Себебі, бұл өмірдің мәні де, мәнісі де, нығыметі мен берекесі де сүйікті жарыңызға қосылғаннан басталмақ. Жар таңдау көбінесе ер азаматтардың жұмысы. Әрине бұл жерде қыз баласының таңдау еркіндігі жоқ дегеннен аулақпыз. Екі жақ бірін бірі тапқаннан кейін қыз келісіп келіспейтіні жөнінде соңғы шешімін айтады. Осылайша екі жақ келісіп жатса жарасымды жұп құрылып жаңа өмір басталады.