Тошиба

Toshіba (株式会社東芝) — Жапонияның ірі көп салалы корпорациясы, штаб пәтері Токиода орналасқан. 2009 жылы Toshiba әлемдегі маркеттық көлемі бойынша жеке компьютерлер сатудан АҚШ Hewlett-Packard, Dell, Тайваньның Acer, және Қытайдың Lenovo компанияларынан кейінгі бесінші орында болды.^[3]

[өңдеу]Тарихы

Корпорациясының негізі 1875 жылы қаланды, ол Жапониядағы телеграф жабдықтарының алғашқы өндірушісі болып табылады. Уақыт өте кәсіпорын техника өндіруші компанияға айналды. 1978 жылы қазіргі өзінің атына ие болды. Ал 1985 жылы әлемдегі ең алғашқы портативті компьютерді ойлап шығарды. Өзінің 136 жылдық тарихында компания трансұлттық корпорацияға айналып, дүниежүзіндегі ірі электроника және электротехника өндірушілер қатарына кірді. Қазір Toshіbaның өндіріс орындары мен кеңселерінде 198 мыңнан артық адам қызмет атқарады. «Fortune Global» агенттігінің пайымдауынша, жапон компаниясы әлемнің ең мықты компаниялар жүздігіне кіреді. Бүгінгі таңда Toshіba әртүрлі бағыттарда маманданған оннан астам компаниядан тұратын ірі кәсіпорын. Toshіbaның негізгі тауарлары- теледидар, бейнемагнитофондар, бейнеоплеерлер, DVD, көшірме аппараттары, портативті компъютерлер және ұялы байланыс аппараттары. Сондай-ақ компания үй роботтарыншығарады. Робот иесінің іс-қимылдарын жаттап алып, соны қайталайды (мысалы, телевизорды өшіреді). AprіAplphа роботы әртүрлі міндеттерді атқара алады.

[өңдеу]Қазақстанмен байланысы

2007 жылы Toshіba фирмасы мен «Қазатомпром» ұлттық компаниясының арасында атом өндіріс саласында өзара ынтымақтыстық жайлы меморандумға қол қойылды. Toshіbaның Жапонияның басқа мемлекеттермен арасындағы қарым-қатынастардың жақсаруына, халықаралық диалогтың дамуына ықпал ететін өзінің халықаралық қоры бар. Мәдени, интеллектуалды айырбасты кеңейту мақсатымен қор әр мемлекеттерде жапон тілін оқыту бөлімдерін оқу материалдарымен қамтамасыз ету бағдарламаларын жүзеге асырады. Қазақстанда осы бағдарламаны іске асыру орны ретінде жапонтану ғылымы қарқынды дамып жатқан әл-Фараби атындағы ҚазҰУ таңдалды.^[4]

[өңдеу]Пайдаланған әдебиет

1. ↑ http://www.toshiba.co.jp/worldwide/about/manage/dir.html
2. ↑ ^{2,0 2,1 2,2 2,3} Earnings Release FY2010. Toshiba Corporation. Тексерілді, 9 мамыр 2011.
3. ↑ Economic Times (2010-01-16). Gartner Says Worldwide PC Market Grew 13 Percent in 2007. Пресс-релиз. Проверено 2010-01-18.
4. ↑ [1] Жапонияның Toshіba компаниясы әл-Фараби атындағы Қазақ Ұлттық Университетіне оқу материалдарын сыйға тартты.