Психологиялық ойындар

       Сен кімсің

      Өмір ағашы

      Балаларға өз өмірінің ағашын келесі нұсқау бойынша ұсыныңыз:

• Тамыр –сіздің өміріңіздің мәні мен мақсаты;
• Дің−сіздің өзіңіз туралы көзқарасыңыз;
• Бұтақ−сіз қалайтын сапалық қасиетіңіз,сіздің арманыңыз бен қалауыңыз;
• Жеміс−сізде бар сапалық қасиетіңіз, орындалған арманыңыз бен қалауыңыз.

    Балалармен «өмір ағашы» жайлы талқылаңыз, ортақ ойлар шығарып, қорытынды жасаңыз. Балаларды мынадай ойға итермелеуге тырысыңыз, егер өміріміздің мақсаты қандай болса,оның жемісі де сондай болады.

 

   Мен өзімді білемін бе

    Әр баланың аты−жөнін бөлек параққа жазып, оларды ешкім оқи алмайтын қылып бүктеңіз. Бүктелген парақтарды қорапшаға салып, әр балаға бір парақтан алуды  ұсыныңыз. Балалар бір−біріне кімнің аты−жөнін оқығандарын айтпауы тиіс. Егер бір оқушы өзінің есімі жазылған парақты алса, онда ол қайтадан сол қорапшадан басқа парақты алады.

    Содан сон әр  бала өзіне түскен адам жайлы  өз ойын жазып, міндетті түрде  сол параққа өзіне түскен адамның  фамилиясын жазуы керек. Кейін   осы парақтарды жинап алып, балалар  өзі жайлы не ойлайтынын жазуы  керек. Осы тапсырманы балалар  орындап отырғанда  оларға  басқа адамдармен жазылған парақтар  таратылады. Осындай тәсілмен әр  баланың қолында екі парақтан  болуы шарт. Балалардан өзге адамдардың  ол жайлы жазған ойлары мен өзінің өзі туралы жазған ойын салыстыруды ұсыныңыз. Ата−аналарға өз балалары жайлы не ойлайтынын параққа жазғызып, содан соң оларды балаларға таратып беруге болады.

 

   

     Тауып ал, кім қандай

     Балаларға парақтарды таратып, оларға мына топқа жататын  балалардың есімін жазуын сұраңыз:

1. Кім ешқашан кешікпейді_________.
2. Кім ешқашан айқайламайды_______.
3. Кім басқа адамдармен өте сыпайы сөйлеседі_________.
4. Кімде өте әдемі дауыс________.
5. Кімнің көзі көкшіл________.
6. Кім өте көңілді және қалжыңбас_______.
7. Кім өте салмақты_______.
8. Кім өте шыншыл________.
9. Кім өте мейірімді_________.
10. Кім өте адал_________.

 

Сұрақтарды тақтаға да жазуға болады. Кейін балалар 10 мин ішінде есімдерді карточкаға жазуы керек.

                Карточкаларды жинап алып, оның  қорытындысын келесі сабақта  балаларға  жариялаңыз.

                Содан соң балаларды бірнеше  топқа бөліп, оларға сапалық  қасиеттері бар жапырақты гүл  салуды ұсыныңыз. Балалармен салынған  суреттен көрме жасалады.

 

Әр  адам ерекше және бағалы

Құпия дос

         Әр баланың аты−жөнін бөлек  параққа жазып, оларды ешкім  оқи алмайтын қылып бүктеңіз. Бүктелген парақтарды қорапшаға  салып, әр балаға бір парақтан  алуды  ұсыныңыз. Балалар бір−біріне  кімнің аты−жөнін оқығандарын  айтпауы тиіс. Егер бір оқушы  өзінің есімі жазылған парақты  алса, онда ол қайтадан сол  қорапшадан басқа парақты алады.

       Балаларға  оларалып шыққан адам аты қазірден  бастап олардың «құпия досы»  болатынын түсіндіріңіз. Соңғы 3 күн ішінде олар «құпия досына» көбірек көңіл бөлуі керек. Балаларға өздерінің «құпия досының» суретін салып немесе оларға  хат жазуды ұсыныңыз. Бірнеше күннен кейін балалар оның «құпия досы» кім болғанын тауып, олармен әңгімелесіңіз.

    

      Сиқырлы орындық

      Балаларды  шеңберге тұрғызып, ортаға  әдемі  орындық  қойыңыз. Балалар шеңбер  бойымен айналып, ән салады:

Кім бүгін бәрінен әдемі?

Кім бүгін бәрінен бақытты?

Тезірек шығып,

Сиқырлы орындыққа отыр.

    Балалар кезекпен сиқырлы орындыққа отырады және шеңбер бойындағы әр бала орындықта отырған әр бала туралы жақсы нәрсе айтуы керек. Ойын басталар алдында балаларға «сиқырлы орындық» жақсы қасиеттер сыйлайтындығы туралы және керісінше олардан жаман қылықтарды алатынын түсіндіріңіз. Бірақ оны көру үшін «сиқырлы орындықта» отырған балаға сиқырлы көздермен қарау керек.

 

 

      Досың жайлы әңгіме

 Оқушыларға достарыңның бірін таңдап, бірақ оның есімін атамай ол туралы айтып беруді ұсыныңыз. Егер балаларға әңгіме құру қиын болса, онда оларға берілген сұрақтарға жауап беруді ұсыныңыз:

• Сіздің досыңыз кімді бәрінен де артық жақсы көреді?
• Сіздің досыңыз не істегенді ұнатады?
• Досыңыздың ең сүйікті жыл мезгілі?
• Досыңыздың  ең сүйікті жануары барма?
• Досыңыз қалай киінуді ұнатады?
• Досыңызда қандай жақсы қасиеттер бар?
• Досыңыз қандай кітаптарды ұнатады?
• Досыңыз қандай әнді ұнатады және т.б.

Балалар кім жайлы айтқандарын  табу керек. Оларға достары жайлы  айтқан әңгімелері жақсы мағынада бағытталуы керек екенін ескертіңіз.

 

 

    Шешімін тап

    Бір адам немесе  бір топ келесі бір адамды  немесе бір топты сол қиындықтан  шығу үшін қиын жағдайда қалдырады,  мысалы:

Жағдаят: сіз орманда жүріп, адастыңыз.

Жауап:  бізде компас бар  екенін есімізге түсіріп,компас арқылы орманнан шығуды шештік.

Жағдаят: сіздердің біреулеріңіз құлағанда, компастың сынғанын байқаған жоқсыздар. Сынған компасты қолдана  отырып,теріс бағытта кетіп қалдыңыздар.

 

    Бақытқа қол жеткізейік

    Тақтаға «БАҚЫТ» сөзін бас әріптермен жазып, балалардан бақыттың қандай болатынын сұраңыз, мысалы: қуанышты, көңілді және жарқыраған. Кейін баяу ән қойып,балалардан көздерін жұмып бақытқа қол жеткізулерін сұраңыз. Оқушылардан өз бақыттарының суретін салып немесе сол сезімнен алған әсерін жазып беруін сұраңыз. Суреттер мен әңгімелерден стенд жасаңыз.

«Біз бақытқа қол жеткізгенде»

Осындай тәсілмен балалардан қуаныш, махаббат,мейірімділік және түсініктер туралы әңгімелесіңіз.

 

     Бір−бірімізге жағымды сөздер айтайық

    Балалардың біреуінен бөлмеден шығуын сұраңыз. Кейін шыққан оқушы жайлы балалардан жағымды сөздер  айтуын өтініңіз. Барлық айтылған  жағымды сөздерді жазып алып , шыққан оқушыны кіргізіп оған жазылғандарды оқып беріңіз. Балалар бір−біріне  жиі жағымды сөздер айтып үйренуі үшін бұл тапсырманы жиі өткізіп тұрыңыз.

 

 

    Махаббат шамы

   Оқушылардан шеңбер бойымен тұруды өтініп, әр қайсысына кішкентай шам беріңіз. Кейін бір баланың шамынжағыңыз. Шамы жанып тұрған бала жанында тұрған  оқушы жайлы жақсы нәрсе айтып оның шамын өз шамымен жағуы керек. Барлық шам жанып біткен кезде ойын бітеді. Бұдан кейін балалар шамдарын өшіріп, топқа бөлінеді. Әр бір топ сиқырлы махаббат шамы жайлы әңгіме құрайды. Әр баланың суретінен көрме құралады.