Жалпы диагностика негіздер

Клиникалық диагностика- ауруларды айырып тану туралы ғылым. Клиникалық диагностика- ветеринария ғылымның ең маңызды мал ауруларын қазіргі әдістәсілдермен жүйелі түрде анықтап, аурулардың мәнін, дұрыс диагноз қоюды зерттейтін бөлімі.
Симптомдар- негізінде ағзалар мен жүйелердің функционалдық және анатомиялық өзгерістері жататын, клиникалық зерттеумен анықтайтын аурудың барлық белгілері.
Клиникалық тексерудің ең маңызды мақсаты- симптомдарды табу және оларды ұқыпты түрде зерттеу. Симптомдарды бағалау кезінде кейбір функционалды өзгерістер сау малда да болып, оның жасына немесе физиологиялық жағдайына байланысты (қозу, жүктілік, күйлеу, т.б) болатынын ескеру қажет. Мұндай өзгерістер симптомдарға жатпайды.