Банк жүйесі

Ұлттық банк – бұл  ақшалай резервтерді құрайтын, оған қоса меншікті алтын валюта резервтерден, басқа да материалдық бағалықтардан тұратын мүліктерге ие болып табылатын заңды тұлға.

ҚР Ұлтық банктің  басты міндеті – ұлттық валютаның  ішкі және сыртқы тұрақтылығын қамтамасыз ету. Сол сияқты  Ұлттық банкке мынадай қосымша міндеттер жүктеледі:

• ақша айналысы, несие, банктік есеп айырысулар мен валюталық қатынастар төңірегінде мемлекетіміздің экономикалық даму мақсатына жетуге және оның әлемдік экономикаға интеграциялануына жағдай жасайтын мемлекеттің саясатын жасау және жүргізу;
• ақша, несие және банктік жүйенің тұрақтылығын қамтамасыз ету;
• банктік қызметтерді реттейтін нормативтік құқылық актілерді қолдану арқылы қарыз берушілер мен клиенттер мүддесін қорғау және олардың орындалуына бақылауды жүзеге асыру.

Ұлттық банк өзінің негізгі  қызметтерін жергілікті жерлердегі облыстық басқармасы Алматы қалалық  филиалы арқылы атқарады. Бұл филиал Ұлттық банк атынан жұмыс істейді.

Ұлттық банк мынадай  негізгі қызметтер атқарады:

• айналыстағы ақша массасының көлемін реттеу жолымен республикада мемлекеттік ақша – несие саясатын жүргізеді және монеталардың монополиялық элементі болып табылады, бағалы қағаздарды эмиссиялайды;
• ҚР Үкіметінің мемлекеттік қағаздарына қызмет етуге қатысады;
• Қазақстан аумағында банктердің , еншілес банктердің ашылуына және филиалдары мен өкілеттіліктің ашылуына, сол сияқты банктік операциялардың жекелеген түрлерін жүзеге асыруға рұқсат қағазын береді;
• белгіленген тәртіпте банктердің бағалы қағаздарының эмиссиялау проспектісіне мемлекеттік бағалы қағаздардың эмиссиялау проспектісіне мемлекеттік тіркеуге дейін міндетті сараптама жүргізеді;
• банктердің қызметін бақылау мен қадағалауды жүзеге асырады және пруденциалдық нормативтер белгілейді;
• ҚР – да несиелер бойынша сыйақа пайыз мөлшерлемесін реттеуді жүзеге асырады.

Ұлттық банк мынадай  операцияларды жүргізеді:

• бірінші кластық эмитенттерvен шығарылатын алты айлық қайтару мерзімдегі міндеттемелерді қайта есепке алады;
• мемлекеттік бағалы қағаздарды сатып алады және сатады;
• депозиттік сертификаттармен қайтару мерзімі бір жылға жататын борыштық бағалы қағаздарды сатып алады және сатады;
• депозиттік және есеп айырысу операцияларын жүргізе отырып, бағалы қағаздарды, басқа да құндылықтарды сақтауға және басқаруға қабылдайды;
• қаржы құралдарымен операцияларды жүзеге асырады;
• қажет кездерде банктерде және қаржы ұйымдарында шоттар ашады;
• чектерді жазып, вексельдерді береді;
• жарғыға қайшы келмейтін өз міндеттемелеріне сай келетін басқа да банктік операцияларды жүзеге асырады.