Пластикалық карточкалармен есеп айырысу

АБЫЛАЙ ХАН

Сабақтың  мақсаты. Білімділік: Қазақ халқын бір  хандыққа біріктіріп, қазақ мемлекетінің іргетасын қалаған Абылай хан  жайында оқушыларға мәлімет бере отырып, оның қазақ тарихындағы орны, ерлік істері жайындағы білімдерін арттыру, Абылайдың жүргізген саясатының сырын түсіндіру.

Дамытушылық: Абылай ханның қазақ тарихындағы  еңбегіне баға беру арқылы тарихи тұлғалардың  еңбегін бағалай білуге үйрету, танымдық қабілеттерін арттыру.

Тәрбиелік: Абылай ханның қазақ тарихындағы  алатын орнын анықтай отыра, оқушыларды каһарман тұлғалардың ерлігін құрметтеуге үйрету, ерлікке, отансүйгіштікке, ұлтжандылыққа тәрбиелеу.

Сабақтың  көрнекілігі: Абылайханның суреті, Қазақстанның саяси картасы, теледидар, «Көшпенділер»  фильмінің бейнекассетасы.

Сабақтың  барысы:

Ұйымдастыру кезеңі.

Үй тапсырмасын  сұрау.

Алдымен оқушылардан  үйге қандай тапсырма берілгенін сұраймыз.

Жаңа сабақ.

Мұғалім жаңа сабақтың тақырыбын тақтаға жаза отырып, сабақтың мақсатын оқушыларға айтып береді. Сонымен қатар сабақтың жоспары тақтаға жазылады.

Сабақтпың жоспары.

Абылайдың ата-тегі, жастық шағы.

Абылайдың жүргізген саясаты.

Абылай - қазақтың ұлы ханы.

Абылайдың шын аты - Әбілмансұр. Бұдан  әрі мұғалім Әбілмансұрдың жастайынан жетім қалғанын, Ораз аталықтың көмегімен  аман қалып, көшпелі қазақ халқының арасына келіп паналайтыны туралы айтып өтеді.

Одан әрі мұғалім ретімен  жас Сабалақ туралы, оның Абылай атануы жайында оқушыларға түсінік  беріп өтеді. Мұғалім өзінің түсіндіруін  Абылай ханның өмірінің соңғы кезімен  аяқтайды.

Негізгі түсіндіру уақыты аяқталғаннан кейін мұғалім оқушыларға түрлі түсті қағаздар таратады. Қағазда мынадай жазу болады:

Оқушылар  Абылай туралы өз ойларын жазады. Мысалы: Абылай - хан, дипломат, батыр т.с.с.

Мұғалім бұған  арнайы корытынды жасайды.

Қорытынды кезең.

Сабақты қорытындылау үшін төмендегідей сұрақтарды беруге болады:

Абылай  билікке қалай келді?

Абылай  атының шыға бастауы қандай тарихи оқиғаға байланысты.

Үй тапсырмасы.

1. 33-параграфты  оқу.

2. Абылай  хан жайында шағын әңгіме жазу.