Жергілікті өзін-өзі басқаруды енгізудің маңызы мен проблемалары

   Қазір елімізде "Қазақстан Республикасындағы жергілікті мемлекетгік басқару туралы" Заңы қабылданған. Конституция жергілікті деңгейде мемлекеттік басқару мен жергілікті басқару арасындағы айырмашылықты нақгы ажыратып берген. Ол жергілікті басқару заңының жобасына сәйкес мемлекеттік басқару органдарының құрылымына өкілетгі және атқарушы органдар құруға мүмкіндік береді. Біздің ойымызша, елді орталықтандырмай басқарудың тиімді жолы осы жергілікті басқаруды дамыту. Оның басты мақсаты тұтастай алғанда елдің экономикасын дамыту мен халықтың әлеуметтік жағдайын көтеру болуы шарт. Ол үшін алдымен мемлекеттік функциялардың тізімі аныкталып, жүйелендіріледі, одан кейін мемлекеттік басқару деңгейлері арасында өкілетгіктер мен функциялар нақты ажыратылады, содан кейін ғана бюджетаралык қатынастардың үлгісі қалыптасады.

   Жергілікті  өзін-өзі баскару органдары - бұл  мемлекеттік құрылымдары қызметін ешқандай да кайталамайтын дербес басқару бірліктері екенін есте ұстау аса маңызды, Бұл орайдағы мемлекеттің басты міндеті - жергілікті өзін-өзі басқару органдарының дербестігіне кепілдік беру.

   Жергілікті өзін-өзі басқару жүйесінің құрылуына орай жұмыс тобының мүшелері аудандар, аудандық маңызы бар қалалар әкімдерінің сайланып қойылуына дайындық жөніндегі жұмыстарды жүргізуде. 2005 жылы жекелеген аудандар әкімдерінің эксперименттік сайлауы өтті.

   Тұтастай  алғанда, жергілікті өзін-өзі басқару  жөніндегі жұмыстар ол туралы заң  кабылдау мен әкімдерді сайлаумен аяқталмайды. Ол Қазақстанның саяси жүйесін жетілдіру бастауларына қарай жасалып жатқан қадамдардың бірі.