Қазақстаның мұнай өндеу зауыттары

Осыған байланысты «ПМХЗ» АҚ техникалық мамандарымен, Қазақстан  Республикасының 2009 жылғы 14 мамырдағы  № 712 қаулысымен бекітілген, Қазақстан  Республикасының мұнай өңдеу  зауыттары дамуының 2009-2015 жылдарға арналған кешенді жоспары ескеріле отырып жасалған, кәсіпорынның 2010-2014 жылдарға арналған техникалық даму бағдарламасы әзірленді. Осы Бағдарламаның шеңберінде «Павлодар мұнайхимия зауыты» АҚ Жаңғырту жобасын жүзеге асыру көзделіп отыр.

Өткен жылдың қараша айында «ҚазМұнайГаз» ҰК АҚ мен Eni италияндық компанияның арасында «Қазақстан Республикасындағы  кейбір мұнайгаз барлау жобасы мен  өнеркәсіптік инфрақұрылым объектілеріне  қатысты ынтымақтастық туралы келісімге» қол қойылды. Осы Келісімнің негізінде Eni компаниясымен «Павлодар мұнайхимия зауыты» АҚ жаңғырту жобасының техникалық –экономикалық негіздемесін (ТЭН) әзірлеу  жүргізілуде. Техникалық –экономикалық  негіздеменің міндеті зауытты жаңалаудың оңтайлы нұсқасын әзірлеу болып  табылады, бұл мыналарға қол жеткізуге  мүмкіндік береді:

• Шикі мұнайды өңдеу бойынша өнімділікті жылына 7,5 млн. тоннаға дейін ұлғайту;
• Мұнай өңдеудің тереңділігін 90% және одан көпке арттыру;
• Шығарылатын өнімнің сапасын Евро-4 және одан жоғары стандартқа жақсарту.

Бұл кезде зауытты жаңарту  қолданыстағы технологиялық жабдықтардың жобалық қуаттылығын қалпына  келтіру, қайта құру және ауыстыру жолымен  жүргізілетін болады. Сондай-ақ мына жаңа қондырғылар мен объектілерді құру жоспарланып отыр:

• Күрделі бензин фракциясын гидротазарту қондырғысы;
• (CCR) катализатордың үздіксіз циркуляциясымен риформинг қондырғысы;
• изомеризация қондырғысы;
• дизель отынының гидротазарту қондырғысы;
• каталитикалық крекинг бензинін селективтік күкіртсіздендіру қондырғысы;
• алкилирлеу/олигомеризация қондырғысы;
• бензинді араластырудың автоматикалық станциясы;
• ақшыл мұнайөнімдерін нүктелеп құю эстакадасы;
• қондырғылардың басқару жүйесін таратылған басқару жүйесіне аудару.

Зауытты қайта құру және жаңғырту жобасын іске асыру ішкі нарықты жоғары сапалы өніммен қамтамасыз етуге, ал «ҚазМұнайГаз» ҰК АҚ құрылымында  қолдану мұнай өнімдері нарығындағы  өзге де жақын және алыс шетелдердің  мұнай компанияларымен табысты  бәсекелесуге мүмкіндік береді.

Еліміздегі мұнай өнімдері өндірісінің жалпы көлемінің  үштен бірінен астамы Шымкент  мұнай өңдеу зауытының еншісінде. «Petro Kazakhstan Oil Products» ЖШС бензин мен  дизельдік отынның бірнеше маркасын, мазут, реактивтік отын мен сұйылтылған  газ шығарады.

Компанияның мұнай өнімдерін  Қазақстанда тұтынатындар ірі және ұсақ автомай құю бекеттері (АҚБ) мен АҚБ желілерінің иелері, әуежайлар, отын-энергетикалық, газ компаниялары, зауыттар, көлік-тасымалдау ұйымдары, фермерлік қожалықтар болып табылады. Экспортқа негізінен мұнай өңдеу  зауыттарына арналған вакуумдық  газойль және тұрмыстық мақсаттарға, сондай-ақ мұнай химиясына арналған сұйылтылған газ сатып өткізіледі. Экспортқа вакуумдық газойльді  экспортқа шығару негізінен Шығыс  Еуропаға, ал сұйылтылған газды экспорттау – Орталық Азия елдеріне жүзеге асырылады.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Пайдаланылған әдебиеттер:

 

1. http://www.pnhz.kz/ru/index.php?id=2
2. http://www.pnhz.kz/ru/index.php?id=3
3. http://www.pnhz.kz/ru/index.php?id=5
4. http://oil-refining.narod.ru/
5. http://www.kase.kz/news/show/93974
6. http://www.expoholding.ru/exhibitors-50242/