Коммуналдық меншік

жұмыстағы әріптестерімен қарым-қатынасында бұзақылық көрсетуге, қызметін асыра пайдалануға немесе дөрекілікке, тұрпайы лексика қолдануға жол бермеуге;

басқа біреудің идеясы мен бастамасын иемденуден бас тартуға;

басқа қызметкердің қызметтік міндетін орындауға бөгет болатын әрекеттерге жол бермеуге;

өзінің әріптестері  туралы оның жеке қадір-қасиеті мен  кәсібилігіне нұқсан келтіретін ақпарат  таратпауға;

әріптестеріне қатысты  қудалаудың кез келген көрінісіне жол  бермеуге;

жұмыстағы әріптестерінен жеке, материалдық қызметтер немесе басқаша сипаттағы қызметтерді талап етпеуге міндетті.

5. Бағыныстылары бар  қызметкердің мінез-құлық қағидаттары

7. Бағыныстылары бар  қызметкер:

ұжымда қолайлы  моральдық-психологиялық жағдай қалыптастыруға және сақтауға ықпал етуге, бағыныстағыларын жоғары моральдық-психологиялық, адамгершілік және кәсіптік сапаларға тәрбиелеуге;

бағыныстағылардың жеке қадір-қасиетін құрметтеуге, өзінің кәсіби көзқарасының болуы құқығына түсіністікпен қарауға, әсіресе ол көзқарас оның өз пікірінен өзгеше болса, бағыныстылармен қатынаста объективтілік танытуға;

бағыныстыларынан  белгіленген стандарттарға сәйкес салық төлеушілерге көрсетілетін мемлекеттік қызметтердің сапасын үнемі арттырып отыруды талап етуге;

бағынысты қызметкерге жеке қатынасына (араздық, ұнату) қарамастан қызметтік міндеттерін орындағаны және тиісті орындамағаны үшін бірдей талап қоюға;

бағыныстыларына ұзақ мерзімді және қысқа мерзімді мақсаттар  мен міндеттерді дұрыс қоюға, осы міндеттерді шешуге бағыныстыларын жұмылдыра білуге;

салықтық әкімшілендіруді  жетілдіру үдерісіне барлық қызметкерлердің  белсенді қатысуына қолайлы жағдай жасауға;

ұжымдағы еңбек  тәртібінің, моральдық-психологиялық ахуалдың жай-күйін жүйелі талдауға;

бағыныстағылары істеген қылмыстар, құқық бұзушылықтар және еңбек тәртібін бұзушылықтар туралы жоғары тұрған басшыға баяндауға;

бағыныстыларына негізсіз талап қоюға немесе Қазақстан  Республикасының қолданыстағы заңының шеңберінен шығып кететін тапсырмалар бермеуге;

өзінің орындауға жатпайтын қызметтік міндеттеріне және қабылданған шешімдерге жауапкершілігін бағыныстағыларына жүктемеуге;

бағыныстысы тарапынан  айтылған негізделген сынды ашуланбай  қабылдауға және осы үшін оны қудаламауға  міндетті.

8. Салық қызметі  органдарының бірінші басшылары бағыныстысы сот үкімі заңды күшіне енген пара алуға байланысты сыбайлас жемқорлық қылмыс жасаған жағдайда, әрбір қызметкерінің моральдық келбетіне өзінің жоғары жауаптылығын сезіне отырып, оларды қызметке тағайындаған күннен бастап бір ай мерзімде ерікті түрде өзінің тілегі бойынша жұмыстан босату туралы өтініш беруі туралы өзіне міндеттеме қабылдай алады.

Қорытынды

9. Қызметкер осы  Этика кодексінің ережесін бұзғаны  үшін Қазақстан Республикасының заңнамасына сәйкес жауаптылыққа тартылады.

10. Қызметкер өзінің  мінез-құлқы ұжымда ашық талқылауға  салынатынын сезінуі тиіс.

 
 
Авторы: