Экономика дамыуындағы мемлекеттің рөлі және оның негізгі қызметтері

     Алдағы уақытта  орталық мемлекеттік органдардың  негізгі міндеттеріне ел заңнамасын  жақсарту тұрғысында жүйелі жұмыс  істеу, бюджетті, оның жұмсалуын,  жаңа технологиялардың енгізілуін, қоғамдық тәртіпті, денсаулық сақтауды, білім беруді, елдің қауіпсіздігін,  сыртқы және ішкі сауданы басқару  кіруі тиіс. Жолдауды іске асыру  және мемлекеттік қызметтердің  сапасын арттыру мақсатында қазіргі  уақытта Үкімет мемлекеттік қызмет  көрсетудің сапалық стандарттарын  дайындап, оны енгізуде, осыған байланысты  республикалық және жергілікті  деңгейде көрсетілетін барлық  мемлекеттік қызмет түрлерінің  тізілімі әзірлену үстінде.

      Осында  көрсетілгендердің барлығының жүзеге  асырылуы мемлекеттік қызметшілердің  санының қысқаруына әкеледі, оның  есебінен қалған мемлекеттік  қызметшілердің жалақысы артады. Тек осылай ғана шын мәніндегі  жинақы және кәсіби мемлекеттік  аппаратты қалыптастыруға мүмкіндік  туады. Мұндай жағдайда мемлекеттік  қызметшілер жауапкершілігін арттыруға,  сондай-ақ олардың жұмысқа деген  ықыласын нығайтуға бағытталған  неғұрлым қатаң талаптар енгізген  дұрыс болады.

     Аталған реформаларды  жүзеге асыруда ҚР Әділет министрлігі  мен оның аумақтық органдарына  өте жауапты міндеттер жүктелген.  Әділет министрлігінің негізгі  функцияларының біріне ұлттық  заңнаманы қалыптастыру және  заң жобалау жұмысын жүргізу  кіретіндіктен, Министрлікке әкімшілік  реформаны жүргізу үшін қажетті  нормативтік құқықтық базаны  әзірлеуге қатысу арқылы жүргізіліп  жатқан құқықтық өзгерістерді  заңи қамтамасыз ету жүктелген.

      Мемлекеттік  басқару жүйесін жетілдіру жөніндегі  мемлекеттік саясаттың басты  мақсаты - Қазақстан азаматтары  үшін мемлекеттік органдармен  көрсетілетін мемлекеттік қызметтердің  ресімделуін барынша оңайлату, төрешілдік  пен сыбайлас жемқорлықты жою.

                                                          Қорытынды

Қазіргі жағдайлардағы экономиканы  мемлекеттік реттеу қайта бөлу үдерісінің құрамдас бөлігі болып табылады. Ол шаруашылықта және әлеуметтік сферада  туындайтын  мәселелердің өткірлігіне  байланысты жоспардың алдында тұратын  сан алуан міндеттерді шешеді.  Осы курстық жұмыстың бірінші  бөлімінде толықтай экономиканы  реттеуде мемлекеттің зор рөлі бар  екендігі туралы баяндалып кетті  және мемлекеттің экономикалық функциялары  мен экономикалық мемлекеттік реттеудің  шетелдердегі тәжірибесі туралы тақырып  ашылған. Одан жасайтын қорытындымыз - экономиканы басқаруға мемлекеттің  араласуы керек екендігі дәлелденген  шынайылық болып табылады; мемлекеттің  экономикадағы келесі функциялары  белгілі: экономиканың қызмет етуінің  құқықтық базасын қалыптастыру  және реттеу, антимонополиялық реттеу, макроэкономикалық тұрақтылық саясатын жүргізу,      ресурстардың орналасуына әсер етуі табысты бөлу сферасындағы қызметі; әр елдер ЭМР-дің  бір-бірлерінен ерешеленетін түрлі  әдістерді қолдана отырып экономикасының бағыттарын анықтайды.

Жұмыстың екінші бөлімі бойынша  қорытынды жасасақ Еліміздің агроөнеркәсіптік кешенін индустрияландыру мақсатында мемлекеттің іс-қимылы бүгінде Қазақстанның алдында өткір күйінде тұрған екі негізгі міндетті шешуге бағдарланып отыр. Оның біріншісі - азық-түлік қауіпсіздігін қамтамасыз ету. Бұл міндетті жүзеге асыру шеңберінде агроөнеркәсіптік сектордың дамуына қолдау көрсететін тиімді жұмыс істейтін жүйе құрылды Ауыл шаруашылығы өнімдерін қайта өңдеу саласында саланы техникалық және технологиялық тұрғыдан жаңарту, өндіріске сапаның халықаралық стандарттарын енгізу және соның негізінде ішкі азық-түлік нарығының тұрақтылығын сақтап әрі нығайтып қоймай, сонымен бірге отандық тауарларды сыртқы нарыққа шығару басты бағдар ретінде қалып отыр.

Екінші міндет – экспортқа  бағдарланған өндірісті дамыту және экспортты әртараптандыру. Бұл міндетті шешу аясында басты назар инвестициялық  жобаларды іске асыруға жұмылдырылған. Бұл бағытта мал бордақылайтын  инфрақұрылымы дамыған алаңдардың, мал соятын орындардың құрылысын  салуға, биязы жүнді қой шаруашылығын дамытуға, сояны және жүгеріні өндіру мен қайта өңдеуге, астықты терең  өңдеуге, балық шаруашылығын дамытуға, балық және жеміс-көкөніс өнімдерін  қайта өңдейтін саланы өркендетуге  айрықша көңіл бөлінетін болады.

Сонымен қатар, ауыл шаруашылығы  өндірісінің елдің сұранысын  әлі де қанағаттандырмай отырған  салалары қаржыландырылуда. Бұл - жылыжай  шаруашылығы желілерін ұйымдастыру, көкөніс сақтау қоймаларын салу және қайта құру, тамшылап суару технологиясын  қолдана отырып жеміс-көкөніс өнімдерін  өндіруді ұйымдастыру, ірі тауарлы-сүт  фермаларын салу, ет өндіруге бағытталған  құс фабрикаларының құрылысын салу және қолданыстағыларын қайта жаңарту.

Жұмысымның үшінші бөлімі Қазақстан Ре спубликасындағы  қазіргі мемлекеттік реттеу жолдары мен даму деңгейі мен оларды шешу жолдарына арналған.

                                        Пайдаланылған әдебиеттер

1. Назарбаев Н.Ә. Қазақстанның егеменді мемлекет ретінде қалыптасуы мен дамуының стратегиясы-Егеменді Қазақстан-16 мамыр, 1992ж.
2. Ст.Фишер, Р.Дорнбуш, Р.Шмалензее «Экономика»-М., Дело1993.
3. Жунусов Б.а., Мамбетов У.Е., байжомартов. Нарықты экономика негіздері, 2 бөлімді-Ақтөбе, Ноу-хау фирмасы 1993.
4. Кабдиев Д.К. Развитие экономической мысли в Казахстане (конец ХІХ-начало ХХ века) –Алма-Ата «Казахстан»
5. Статистический ежегодник. Алматы. – 2009г.
6. «Қазақстан – 2030 Стратегиясы Қазақстан дамуының жаңа кезеңінде» // Қазақстан Республикасы президенті Н.Ә.Назарбаевтың Қазақстан халқына Жолдауы. – Астана, 28 ақпан, 2007 жыл.
7. Н. Ә. Назарбаев.  «Қазақстан әлемдегі бәсекеге барынша қабілетті 50 елдің қатарына кіру стратегиясы» Жолдауы,   Астана, 2006 жыл, 1 наурыз.
8. Мемлекет және құқық негіздері. Оқулық. Алматы.
9. ҚР Президентінің жолдауы  «Жаңа он жылдық - жаңа экономикалық өрлеу –                                                                              Қазақстанның жаңа мүмкіндіктері».
10. Реформирование экономики Казахстана : проблемы и их решение. Под ред. М.Б.Кенжегузина. – Алматы, 1997г. – 352с.
11. Қабдиев Д. Қ., Оралтаев Т. Қ., Ескендіров Ә. Е., Бекмолдин С. Қ., Хабибулин Б. Х., Темірбекова А. Б., Беленов А. Т. – Экономикалық саясат//Алматы: экономика 2002г.-12-15с.
12. ҚР статистика агенттігінің материалдары
13. КР ауыл шаруашылығы министрілігнің ақпараттары