Оңтүстік Қазақстан облысы

                                     Шығындар саясаты

     Орта мерзімді кезеңде жүргізілетін шығыстар саясаты әлеуметтік-экономикалық саясаттың ұзақ мерзімді және орта мерзімді басымдықтарына сәйкес мемлекеттік міндеттемелердің толық орындалуын қамтамасыз етуге, әрбір мемлекеттік органның стратегиялық жоспарлау сапасын жақсарту және басымдық емес шығыстарды азайту есебінен соңғы нәтижелерге бағдарлай отырып бюджеттік шығыстарының тиімділігін арттыруға бағытталатын болады.

   Жергілікті бюджеттің шығыстарын болжаған кезде «Қазақстан халқының әл-ауқатын арттыру - мемлекеттік саясаттың басты мақсаты» атты Қазақстан халқына жыл сайынғы жолдауында белгіленген Елбасының тарсырмаларын іске асыруға арналған шығыстар ескерілді.

  Фискалдық саясаттың міндеттерін іске асыру шеңберінде мемлекеттің қаржы ресурстарын мемлекеттік басқару функцияларының барынша тиімді әрі толық орындалуын қамтамасыз ететіндей түрде тарату қажет. Бағдарламалық құжаттарды оңтайландыру және үйлестіру, олардың іс-шараларының бюджет шығыстарымен нақты өзара байланысын белгілеу бұл жұмыстың ажырамас бөлігі болып табылады.

    Қазақстан Республикасы Президентінің Қазақстан халқына жолдауына сәйкес, Қазақстан Республикасы Үкіметінің бағдарламасы, аймақтық бағдарламалары негізінде ұзақ мерзімді және орта мерзімді кезеңдегі облыстың әлеуметтік-экономикалық дамуының 2009-2011 жылдарға арналған орта мерзімді жоспары, мемлекеттік және салалық (секторалдық) бағдарламалар негізінде бюджет шығыстарының мынадай басымдықтары айқындалды:

әлеуметтік  салаларды дамыту және адами капиталды  инвестициялау;

денсаулық сақтау саласының сапасын және медициналық  қызметін ұйымдастыруын дамыту;

білім беруді және сапалы қызметін көрсетуін  дамыту;

индустриялық-инновациялық даму;

тұрғын  үй құрылысының дамуы, тұрғын үй бағдарламасын  іске асыру;

стратегиялық  инфрақұрылымның дамуы.

                         Басқару органдары

    Облыс бюджеті бойынша мемлекеттік басқару органдары қызметін қамтамасыз етуге 2007 жылғы шығыстар 9 135,9 млн. теңге (облыстық бюджет - 5 438,4 млн. теңге), немесе жылдық жоспарға 98,0 %, соның ішінде материалдық-техникалық базаны нығайтуға - 524,7 млн. теңге, әкімшілік ғимаратты күрделі жөндеуге 194,7 млн. теңге бағытталды.

«Жалпы  сипаттағы мемлекеттік қызметтер  көрсету» функционалдық тобы бойынша  шығыстар 2009-2011 жылдары бюджеттің  жалпы көлемінің 2,5-2,7 %-ы деңгейінде болжанып отыр.

Әкімшілік реформа таяу арадағы жылдары  мемлекеттік басқару жүйесіндегі  басымды бағдар болып қалады, ол мыналарға бағытталып отыр:

-әртүрлі  деңгейдегі мемлекеттік басқару  органдары арасындағы функциялар  мен өкілеттіктің аражігін анық  ажырата отырып билікті одан  әрі орталықсыздандыруға; 

- мемлекеттік  басқару үдерістері мен рәсімдерін, сондай-ақ мемлекеттік қызметтер  көрсетуді сапалы жетілдіру; 

- мемлекеттік  аппарат қызметінің кәсібилігін,  тиімділігін және үйлестіру қабілетін  арттыру. 

Елбасының Қазақстан халқына Жолдауына  сәйкес, мемлекеттік қызметкерлердің  айлық жалақысы кезең-кезеңімен 2009 жылы -25%-ға, 2010-25%-ға, 2011-30%-ға көбейіп 2012 жылға дейін 2 есеге ұлғаю деңгейіне  өсуде.

   Сонымен қатар, жүргізіліп жатқан реформаның басты мақсаты- мемлекеттік қызметті біліктілігі жоғары қадрлармен қамтамасыз ету. Нақ осы мемлекеттік қызмет реформасы мемлекеттік аппараттың қадрлар құрамына ықпал етуге, әкімшілік реформаның барысында жаңарған мемлекеттік билік құрылымдарын лайықты кәсіпқой қызметшілермен толықтыруға тиіс.

 

                Қоғамдық тәртіп және қауіпсіздік

    Құқық бұзушылықты болдырмау және қылмыспен күрес, қоғамдық тәртіпті қамтамасыз ету қоғамдағы тұрақтылық, азаматтардың лайықты өмір сүруіне жағдайлар жасау шарттарының бірі болып табылады.

Қоғамдық  тәртіп пен қауіпсіздікке арналған шығындар мына бағыттар бойынша жүзеге асырылуда:

- облыстық  бюджеттен қаржыландырылатын атқарушы  ішкі істер органының қызметін  қамтамасыз ету; 

- облыс  аумағында қоғамдық тәртiптi қорғау  және қоғамдық қауiпсiздiктi қамтамасыз  ету (медициналық айықтырғыштардың  жұмысын қамтамасыз ететін медициналық  айықтырғыштар мен полиция бөлімдері,  кәмелетке толмағандарды уақытша  оқшаулау, бейімдеу және оңалту  орталығы, тұрақты тұрғын орны  және құжаттары жоқ тұлғалар  үшін қабылдағыш-таратушылар, әкімшілік тәртіпте тұтқындалған тұлғалар үшін арнайы қабылдағыш);

- ішкі  істер органдары нысандарын дамыту;

- қоғамдық  тәртіпті сақтауға қатысатын  азаматтарды көтермелеу;

- кадрлардың  біліктілігін арттыру және қайта  даярлау. 

Жоғарыда  көрсетілген іс-шараларды іске асыруға 2007 жылы 3867,5 млн. теңге жұмсалды немесе жылдық жоспардың 100 %. Күрделі жөндеуге және материалдық-техникалық базасын  нығайтуға -292,8 млн. теңге.

«Қоғамдық тәртіп және қауіпсіздік» функционалдық  тобы бойынша шығыстарды 2009-2011 жылдары  бюджеттің жалпы көлемінің 3,3-3,5 пайызы деңгейінде қарастырылып отыр.

Орта  мерзімді перспективаға «Оңтүстік  Қазақстан облысында жол қозғалысы  қауіпсіздігін қамтамасыз етудің 2007-2009 жылдарға арналған аймақтық бағдарламасы», «Оңтүстік Қазақстан облысында  құқық бұзушылықтың алдын алу  және қылмысқа қарсы күресудің 2008-2010 жылдарға арналған аймақтық бағдарламасы»  әзірленіп және іске асырылуда, сонымен  қатар, «2009-2011 жылдарға арналған Оңтүстік Қазақстан облысындағы нашақорлық пен есірткі бизнесіне қарсы  күрес» іс-шаралар жоспары дайындалуда.

                                          Білім беру

    Білім саласының шығыстары 2007 жылы республикалық және жергілікті бюджет қаржылары есебінен 47866,5 млн. теңге немесе жылдық жоспарға 98,7 пайыз көлемінде қалыптасты, бұл облыстың бюджетінің жалпы көлемінің 32,7 пайызын құрайды. 2005 және 2006 жылдармен салыстырғанда білім саласы бойынша бюджет көлемінің өсімі, тиісінше 37,0% және 69,5% құрады.

   2007 жылы білім беру нысандарының құрылысына, қалпына келтіруге және жобалау-сметалық құжаттама әзірлеуге облыстық бюджет есебінен 957,8 млн. теңге игерілген.

   2008 жылы республикалық бюджет есебінен 50 білім беру нысанының құрылысына 16 294,8 млн. теңге, облыстық бюджеттен 13 нысанның құрылысына 1 329,3 млн. теңге жоспарланған.

   «Білім беру» функционалдық тобы бойынша шығыстар 2009-2011 жылдары бюджеттің жалпы көлемінің 42-46,2 %-ы деңгейінде болжанып отыр.

   2009-2011 жылдары республикалық бюджет есебінен 42 001,5 млн. теңгеге 96 нысанның құрылысы мен қалпына келтіру жұмыстары жоспарланған, оның ішінде 2009 жылы - 27 190,6 мың теңгеге 71 нысанның құрылысы (оның ішінде 37 өтпелі нысан), 2010 жылы - 5 244, 1 млн. теңгеге 16 нысанның құрылысы (оның ішінде 9 өтпелі нысан), 2011 жылы - 9 566,8 мың теңгеге 23 нысанның құрылысы (оның ішінде 5 өтпелі нысан).

Үш жылдың ішінде 12 740,4 млн. теңгеге 35 бала-бақша, 23 860,8 млн. теңгеге 56 орта мектеп және 5 400,3 млн. теңгеге 5 кәсіптік мектептің құрылыстары жоспарланған.

   Облыстық бюджет есебінен 2009-2011 жылдары 15 759,4 млн. теңгеге 67 нысанның құрылыстары жоспарланған, оның ішінде 2009 жылы 3 888,4 млн. теңгеге 22 нысанның (оның ішінде 4 өтпелі нысан), 2010 жылы - 5 612,3 млн. теңгеге 16 нысанның құрылысы (оның ішінде 5 өтпелі нысан), 2011 жылы - 6258,7 млн. теңгеге 23 нысанның құрылысы.

Білім беру өз кезегінде экономика басымды  салаларының бірі болып қалады, бұл  саланың дамуына ерекше көңіл  бөлінуде.

   Білім саласындағы бюджеттік саясат әлемдік білім беру кеңістігінде бәсекеге қабілетті және экономиканың индустриалдық-инновациялық дамуының қазіргі заманғы қажеттіліктеріне жауап беретін дбілім берудің жоғары тиімді жүйесін қалыптастыруға бағытталған.

   Облыста әлеуметтік - экономикалық жағдайлардың өзгеруіне сәйкес үздіксіз жаңартуды қамтамасыз ететін мектепалды тәрбие, орта білім алуда, қоғамның, тұлғалардың және кейбір әлеуметтік топтардың қажеттілігін ескере отырып, жұмысшы мамандарын жоғары тиімді, бәсекеге қабілетті дайындауда, қайта даярлауда балаларға тең мүмкіндікті қамтамасыз ету үшін қажетті жағдайларды жасауға бағытталған Оңтүстік Қазақстан облысының білім беру жүйесін дамытудың 2008-2010 жылдарға арналған аймақтық бағдарламасы іске асырылуда.

Аймақтық  бағдарлама шеңберінде мақсаттарға  жету үшін келесі негізгі міндеттерді  шешу көзделуде:

барлық  балалардың мектеп алды білім алуда  тең мүмкіндік алуын қамтамасыз ету;

ауылдық білім беру ұйымдарының жұмыстарын жақсарту, олардың тұрақты дамуын қамтасыз ету;

білім және тәрбие алу сапасын көтеру, білім беру қызметтерін таңдауға мүмкіндік беру, оқушылардың творчествосын  дамыту;

мектеп  алды ұйымдардың желілерін қайта  қалпына келтіру және мектеп алды даярлықпен балаларды қамтуды ұлғайту;

кәсіптік  және техникалық білім саласында  білікті жұмысшы мамандарын даярлауда  жаңа тәсілдерді қалыптастыру;

бітірушілердің  базалық компетенциясы түрінде  нәтижеге бағытталған білім берудің  ұлттық мақсат жүйелерін орнықтыратын орта білім берудің жаңа мемлекеттік  жалпы міндетті стандарттарын әзірлеу;

мемлекеттік, орыс және ағылшын тілдерін оқытудың тиімділігін көтеру (оның ішінде шетелдік ағылшын тілі мұғалімдерін тарту);

пән кабинеттерін жабдықтау (физика, химия, биология, география, информатика, лингафондық және мултимедиялық  кабинеттер);

өңір  экономикасының талаптарын ескере отырып, еңбек нарығында талап етілетін мамандықтар бойынша мамандар даярлау;

2008 жылға  барлық білім ұйымдарын «Интернет»  желісіне қосу;

білім беру ұйымдарын білікті педагогикалық  қызметкерлермен қамтамасыз ету, ауылдық  жерлерде жас мамандардың жұмыс  істеуіне жағдай жасау және 12 жылдық оқу жүйесіне көшуге қарай бастауыш сыныптардың мұғалімдерін қайта  даярлау;

білім беру ұйымдардың материалдық-техникалық базасын одан әрі жақсарту;

білім беру нысандарын күрделі жөндеу және жаңа нысандардың құрылысын жүргізу.

   2006 жылы жергілікті және республикалық бюджет қаржылары есебінен 45 физика кабинетін сатып алуға 190,4 млн. теңге қаржы бөлінді, 85 лингафондық және мультимедиялық кабинеттеріне - 474,4 млн. теңге қаржы бөлінді.

    2007 жылы 69 физика, химия және биология кабинеттерін жабдықтауға 236,2 млн. теңге қаржы, 86 лингафондық және мультимедиялық кабинеттерге - 438,4 млн. теңге бағытталды, сонымен қатар республикалық бюджет қаржысы есебінен 75 физика кабинетіне - 258,7 млн. теңге, 30 лингафондық және мультимедиялық кабинеттерге - 160,6 млн. теңге қаржы бағытталды.

2008 жылдан 2010 жылға дейін: 

2008 жылы  жергілікті бюджет қаржысы есебінен 69 физика, химия және биология  кабинеттерін жабдықтауға 235,2 млн.  теңге қарастырылуда. Сонымен  қатар, республикалық бюджет қаржысы  есебінен 71 мекемені физика кабинетімен  жабдықтауға - 249,3 млн. теңге қарастырылды. 2009 жылы - 69, 2010 жылы - 69 кабинетті жабдықтау  жоспарлануда.

 2008 жылы 142 мектеп, 2009 жылы-86, 2010 жылы 86 мектеп лингафондық және мультимедиялық кабинеттермен жабдықталатын болады.

Бұл бағыттарда белсенді түрде жұмыстар жүргізілетін болады.

  Денсаулық сақтау және санитарлық-эпидемиологиялық салауаттылығы

   2007 жылы денсаулық сақтау саласы облыстық бюджеттің шығыс бөлігінің 37 503,7 млн.тенгесін, нақтыланған жоспарда 37 497,2 млн.теңге немесе 99,9% құрады, оның ішінде ағымдағы бюджеттік бағдарламаға- 30 056,3 млн.теңге, даму бюджеттік бағдарламаға- 7 440,9 млн.теңге. 2006 және 2005 жылдармен салыстырғанда денсаулық сақтау саласы бюджетінің өсуі 24,2% және 70,6% көлемін құрады.