Оңтүстік Қазақстан облысы

   Сумен қамтамасыз ету және газдандыру

Облыста сумен қамтамасыз етудің қалыпты  жүйесін құру жұмыстары жүргізілуде: жоспар кезеңінде республикалық  және облыстық бюджеттері есебінен облыстың елді мекендерінің су жүйелерінің құрылыстары  мен қалпына келтіру жұмыстары  жалғасатын болады.

2009-2011 жылдары  республикалық бюджеттен 23 201,6 млн. теңгеге 98 нысанның құрылыстары жоспарланған, оның ішінде:

- 2009 жылы 6 266,5 млн. теңге жоспарланған, оның ішінде 4 391,2 млн. теңгеге 14 өтпелі нысанның құрылысы;

-2010 жылы 25 нысанның құрылысына 9 435,1 млн. теңге жоспарланған, оның ішінде 6 665,6 млн. теңгеге 9 өтпелі нысанның құрылысы;

- 2011 жылы 7 500,0 млн. теңгеге 38 нысанның құрылысы жоспарланған, оның ішінде 1 320,0 млн. теңгеге 3 өтпелі нысанның құрылысы.

2009-2011 жылдар  аралығында облыстық бюджет есебінен  сумен қамтамасыз ету нысандарының  құрылыстарына 200,0 млн. теңге жоспарланған.

«Газбен қамтамасыз ету» саласы бойынша 2009-2011 жылдары республикалық бюджеттен нысандардың құрылыстары жоспарланбаған.

Облыстық  бюджеттен 17 нысанның құрылысына және қайта құруға 2 589,9 млн. теңге жоспарланған.

Коммуналдық шаруашылық

2009-2011 жылдары  коммуналдық шаруашылық нысандарының  құрылыстарына облыстық бюджеттен  100,4 млн. жоспарланған. 2009 жылы Шымкент  қаласындағы жер асты суын  төмендетуге тік дренаж ұңғысының  құрылысын аяқтау көзделуде. 

       Мәдениет, спорт, туризм, мұрағат және ақпараттық кеңістік

   2007 жылы мәдениет саласы бойынша облыстың бюджеті 2299,6 млн. теңгені, немесе жылдық жоспарға 95,9% құрады (облыстық бюджет бойынша 1323,8 млн. теңге, 93,7%).

Мәдениет  саласындағы шығыстардың бюджеттік  саясаты:

Бірыңғай  мәдени-ақпараттық кеңістік арқылы қоғамның рухани деңгейін көтеру;

тұрғындардың  мәдени демалысын, театр және музыка өнері саласындағы мемлекеттік  саясатын іске асыру;

облыс тұрғындарының мәдени құндылықтарына қол жеткізу үшін теңдей мүмкіншіліктерін қамтамасыз ету;

кітапхана, мұрағат және мұражай қорларын сақтау және түрлі топтағы тұрғындардың облыстық кітапханалар, мұрағаттар және мұражайлар ақпараттарына қол жеткізу;

Мәдениет  саласындағы шығыстардың бюджеттік  саясатының негізгі міндеттері;

театралды-концерттік қызметті, кәсіби өнер мен халық  шығармашылығын қолдауын қамтамасыз ету;

барлық  топтағы тұрғындарға кешендік мәдени-демалыс  қызметтерін ұсыну ;

облыстың  мәдениетін ұйымдарының материалдық-техникалық базасын нығайту;

мәдениет  нысандарын дамыту.

Облысымызда Оңтүстік Қазақстан облысының 2006-2008 жылдарға арналған «Мәдени мұра»  бағдарламасы іске асуда, оның негізгі  мақсаты:

- тарихи, патриоттық және азаматтық өзіндік  тануды қалыптастыру;

- рухани  және білім беру саласын дамыту, аймақтың тарихы мен мәдениетінде  ерекше маңызы бар мәдени-мұраны  тиімді пайдалану және сақтау .

«Мәдениет, спорт, туризм және ақпараттық кеңістiк» функционалдық тобы бойынша шығыстар 2009-2011 жылдары бюджеттің жалпы  көлемінің 3,9-4,0 %-ы деңгейінде болжанып отыр.

Облыс бойынша үш жылдық кезеңде республикалық  бюджеттен мәдениет, спорт және туризм салалары бойынша қаржы жоспарланбаған.

Облыстық  бюджеттен 2009-2011 жылдары мәдениет саласының 8 нысанының құрылысына және қайта  құруға 1 252,8 млн. теңге жоспарланған

Облыста дене шынықтыру мен спорттың дамуына  айтарлықтай көңіл бөлініп отырады.

    Отын-энергетика комплесі және жер қойнауын пайдалану шығыстарына бюджеттің жалпы көлемінің 0,3%-ы деңгейінде болжау ұйғарылып отыр.

Қазіргі уақытта отын-энергетика кешенін  дамыту облыс экономикасы салаларының  маңызды мәселелерінің бірі болып  табылады. Облыста жылумен қамтамасыз етудің қалыпты жүйесін құруға бағытталған  жобаларды іске асыру көзделуде.

Жылу-энергетика кешенін дамытудың проблемалары мен негізгі факторларына сәйкес, төмендегілер негізгі басымдықтар  болып табылады:

халықты қол жеткізімді бағада жылумен толық  қамтамасыз ету, жылумен қамтамасыз етуде тәуекелдерді азайту және дағдарыстық  жағдайлардың орын алуына жол бермеу;

экономикалық  стимулды пайдаланудың, өндіріс қүрылымын  жетілдірудің, өнімді қайта өңдеудің, тасымалдаудың, өткізудің және тұтынудың  жаңа технологияларын енгізудің  негізінде жылу -энергетиканың қоршаған ортаға техногендік әсерін төмендету.

    Ауыл, су, орман, балық шаруашылығы және қоршаған ортаны қорғау

2007 жылы  облыс бюджеті бойынша ауыл  шаруашылығы саладағы шығыстардың  атқарылуы 3 450,3 млн. теңге немесе 99,5 %, облыстық бюджет бойынша  3 221,1 млн. теңге.

«Ауыл, су, орман, балық шаруашылығы, ерекше қорғалатын табиғи аумақтар, қоршаған ортаны және жануарлар дүниесін қорғау, жер қатынастары» функционалдық  тобы бойынша шығыстар 2009-2011 жылдары  бюджеттің жалпы көлемінің 1,0-0,9 %-ы  деңгейінде болжанып отыр.

Алдағы  үш жылдық кезеңге шығындар саясаты  келесі бағыттарда жүргізіледі:

Тұқым шаруашылығын дамытуды қолдау;

Өсімдік шаруашылығы өнімінің шығымдылығын және сапасын арттыру, көктемгі егіс және егін жинау жұмыстарын жүргізу  үшін қажетті жанар-жағар май  және басқа да тауар-материалдық  құндылықтарының құнын арзандату;

мал шаруашылыѓын дамытуды қолдау;

мал шаруашылығы  өнімдерінің сапасы мен өнімділігін  арттыру;

жемiс-жидек  дақылдарының және жүзiмнің көп жылдық көшеттерiн отырғызу және өсiруді қамтамасыз ету;

қазақстандық  мақта талшығының сапасын сараптау;

ауыл  шаруашылығы тауар өндірушілеріне су жеткізіп беру бойынша қызметтердің құнын субсидиялау;

ауыз  сумен жабдықтаудың баламасыз көздері  болып табылатын ерекше маңызды  топтық сумен жабдықтау жүйесінен  ауыз су беру бойынша көрсетілетін қызметтің құнын субсидиялау;

коммуналдық меншіктегі су шаруашылығы құрылымдарының жұмыс істеуін қамтамасыз ету;

ерекше  авариялы су шаруашылығы құрылыстары  мен гидромелиорациялық жүйелердi қалпына  келтiру;

су қорғау аймақтарын, су обектілерінің белдеулерін  белгілеу;

орманды сақтау, қорғау, молайту және орман  өсiру;

жануарлар дүниесiн қорғау;

қоршаған  ортаны қорғау бойынша іс-шаралар  өткізу;

стратегиялық, трансшекаралық және экологиялық қауіп  бар объектілерден басқаларына  мемлекеттік экологиялық сараптама  жүргізу;

арнайы  қоймалардың (ескі молаларды) құрылысын  салу, ұстау және жөндеу;

мал көмінділерінің (биотермиялық шұңқырлардың) жұмыс  істеуін қамтамасыз ету;

ауру  малдарды санитарлық союды ұйымдастыру;

жер қатынастарын реттеу;

облыстық  маңызы бар қалалардың, аудандардың  шекарасын белгiлеу кезiнде жүргiзiлетiн  жерге орналастыру;

елдi мекендердi жер-шаруашылық орналастыру;

аудандық  маңызы бар қалалардың, кенттердiң, ауылдардың (селолардың), ауылдың (селоның), округтердiң шекарасын белгiлеу  кезiнде жүргiзiлетiн жерге орналастыру;

ауыл  шаруашылығы алқаптарын бiр түрден екiншiсiне ауыстыру жөнiндегi жұмыстар;

жерді аймақтарға бөлу жөніндегі жұмыстарды ұйымдастыру.

   «Су обектілерінің белдеулерін белгілеу» және «Коммуналдық меншіктегі су шаруашылығы құрылымдарының жұмыс істеуін қамтамасыз ету» «Авариялық қаупi ерекше облыстық маңызы бар су шаруашылығы құрылыстары мен гидромелиорациялық жүйелердi қалпына келтiру» бағдарламаларын қаржыландыру каналдарды механикалық тазалау есебінен облыстың су шаруашылығы жүйесінің сумен қамтамасыз етілуін жоғарылатады, суаруда каналдардың суды өткізу қабiлетiн арттырады, жаңа каналдарды, су тоғандарын, насос станцияларын салу, жөндеу-қалпына келтіру жұмыстарын жүргізу суармалы жерлерді тұрақты түрде суаруды дамыту арқылы егіншілік түсімін көтеруге жол ашады.

2009-2011 жылдары  ОҚО аумағында қоршаған ортаны  қорғау жөнінде тиімді әрі  пәрменді шаралар қабылдау үшін  қоршаған ортаның ластану деңгейін  азайту және мониторингін жетілдіру,  экологиялық тәрбие мен білім  беру жөнінде шаралар қабылданатын  болады.

      Бюджетаралық қатынастар

   Бюджетаралық қатынастар облыс аудандарының (қалаларының) бюджеттік қамтамасыз етілу деңгейлерін теңестіруге, аудандардағы (қалалардағы) орынды экономикалық саясатты ынталандыруға, аудандық (қалалық) жергілікті атқарушы органдардың барынша тиімді әрі нәтижелі мемлекеттік қызметтердің біркелкі деңгейін көрсетуін қамтамасыз етуге бағытталуы тиіс.

  Орта мерзімді кезеңдегі бюджетаралық қатынастар саясатының негізгі мақсаты мемлекеттік басқарудың барлық деңгейіне бекітіліп берілген мемлекеттік қызметтерді көрсетуді және өздеріне жүктелген қызметтерді жүзеге асыруы үшін оларды жеткілікті қаржы қаражатымен қамтамасыз ету болып табылады.

    Бюджетаралық қатынастар Бюджет кодексінде белгіленген қағидаттарын және түсімдер мен шығыстардың бюджет деңгейлері арасында бөлінуге, өзара қатынастардың анықтығы мен тұрақтылығын қамтамасыз етуге, әрбір басқару деңгейінің дербестігін күшейтуге, сондай-ақ мемлекеттік қызметтер көрсету деңгейін оларды алушыларға жақындатуға бағытталған.

       Жергілікті атқарушы органның борышын басқару

    Қазақстан Республикасында тұрғын-үй құрылысын дамытудың 2005-2007 жылдарға арналған мемлекеттік бағдарламасын іске асыру шеңберінде, ары қарай облыстың аудандар мен қалалар бюджеттерін несиелеу үшін республикалық бюджет қаржысының есебінен бөлінген несиелер Оңтүстік Қазақстан облысында тұрғын-үй құрылысын қаржыландырудың маңызды көзі болуына ықпал етті. 2006 жылы 2068 млн.теңге сомадағы бөлінген несиені өтеу 2009 жылға жоспарланып отыр. 2007 жылы 1 565 млн. теңге көлемінде бөлінген несиені өтеу 2010 жылы жоспарлануда.

   Тұрғын үй құрылысын ары қарай жалғастыру үшін 2008-2010 жылдарға арналған Қазақстан Республикасындағы тұрғын үй құрылысы бғдарламасы әзірленіп, бекітілді. Сонымен, 2008 жылы Оңтүстік Қазақстан облысы бойынша тұрғын үй салуға және сатып алуға кредит беру бойынша республикалық бюджет есебінен 699 млн. теңге, 2009 жылға - 699 млн. теңге, 2010 жылға - 698 млн. теңге қарастырылған. 2008 жылы бөлінген несиені өтеу 2011 жылы жоспарланып отыр.

   2009-2011 жылдары Оңтүстік Қазақстан облысының әкімі мен Қазақстан Республикасы Қаржы министрлігінің арасында түзілген қала көлігін дамыту жобасы бойынша шетелдік кредиттер жөніндегі борыштарды өтеу жөніндегі келісімге сәйкес республикалық бюджетке қайтарылуын қамтамасыз ету қарастырылып отыр, оның ішінде

- қалалық  көліктердің даму жобасы бойынша: 

2009 жылы - 10164,0 мың теңге, одан басқа,  қарыздарды өтеуіне қызмет көрсетуге  - 48 537 мың теңге; 

2010 жылы  ұқсас - 10164,0 мың теңге және 48 202 мың теңге; 

2011 жылы  ұқсас - 10164,0 мың теңге және 47 732 мың теңге; 

-«Су  ресурстарын басқару және жерлерді  қалпына келтіру» жобасы бойынша: 

2009 жылы - 18218,0 мың теңге, одан басқа,  сыйақылар (мүдделер) төлемдері- 3483,0 мың теңге; 

2010 жылы  ұқсас - 18218,0 мың теңге және 20871,0 мың теңге; 

2011 жылы  ұқсас - 18218,0 мың теңге және 20042,0 мың теңге;